Nacín en Santiago de Compostela no ano 1973 e comecei na fotografía ca emulsión nun mundo analóxico onde os flashes estoupaban con fogonazos de magnesio. Lembro mercar cubiños de plástico que hoxe moitos confundirían e meterían dentro do vaso do cubata.

Gústame practicar unha fotografía directa e trato de ollar coa curiosidade dun meniño tratando de desfacerme de calquera experiencia boa ou mala que puidera influír no resultado final a pesar de que a fotografía é a fin de contas moi subxectiva e autobiográfica por moito que un non o pretenda.

Fotografío na rúa todo aquelo que chama a miña atención, polo xeral preto da miña casa. As imperfeccións das contornas urbanas fánseme fermosas e Memoriam Urbis non é outra cousa máis ca un compendio das miñas desataduras.

Para contactarme tes varios métodos cuxas ligazóns atoparás en todo momento no pé de páxina deste sitio. As redes sociais adoitan ser moi directas pero tampouco é que sexan moi serias que digamos. Eu recoméndoche sempre usar o correo electrónico, tómomo moito máis en serio. Ademais, os datos a través dese método quedarán custodiados por min e usaranse unicamente para respostar a túa consulta mentres que a través das redes sociais, o control dos datos será aquel que aceptemos os usuarios (eu mesmo incluído) no mesmo intre no que instalamos as súas ferramentas.

Polo tanto, recoméndoche o uso do correo electrónico para comunicarte por escrito cando desexes contarme algo ou solventar calquera dúbida. Unha vez o empregues, deberías ficar atento á túa bandexa de correo lixo por se a resposta te chegase nela.

Quedo ao teu completo dispór e moi agradecido de que me teñas en conta para calquera cousa que se che ocorra en canto a fotografía se refira.