Nacín en Santiago de Compostela no ano 1973 e comecei na fotografía ca emulsión nun mundo analóxico onde os flashes estoupaban con fogonazos de magnesio. Lembro mercar cubiños de plástico que moitos hoxe confundirían e colocarían dentro do vaso do cubata.

Gústame practicar unha fotografía directa e trato de ollar ca curiosidade dun neno tratando de desfacerme de calquera experiencia boa ou mala que puidese influír no resultado final a pesar de que a fotografía é a fin de contas moi subxectiva e autobiográfica por moito que un non o pretenda.

Fotografío na rúa todo aquelo que chama a miña atención, polo xeral preto da miña casa. As imperfeccións das contornas urbanas fánseme fermosas e Memoriam Urbis non é outra cousa máis cun compendio deses desvaríos mentais meus.

Para contactarme tes varios métodos cuxas ligazóns atoparás en todo momento no pé de páxina desta web. As redes sociais adoitan ser moi directas pero tampouco son moi serias. Eu recoméndoche sempre usar o correo electrónico, é moito máis serio. Ademáis, os datos a través dese método quedarán custodiados por min e usaranse unicamente para responder a túa consulta, mentres que a través das redes sociais o control de datos será o que aceptamos os usuarios (eu mesmo incluído) no mesmo intre en que instalamos as súas ferramentas.

Polo tanto, eu recoméndoche o uso do correo electrónico para comunicarte por escrito cando quixeras comentarme algo ou solventar algunha dúbida. Unha vez o uses, recoméndoche estar atento a túa bandexa de spam por se a resposta te chegase a ela.

Quedo a túa enteira disposición e moi agradecido de que me teñas en conta para calquera cousa que se che ocorra en canto á fotografía se referise.